शिवाजीनगर महापौर निवासस्थान दुरुस्तीवर ४५.९१ लाख खर्च; निविदा प्रक्रिया टाळून केवळ कोटेशन पद्धतीने काम!

पुणे: पुणे महानगरपालिकेच्या प्रशासनाने शिवाजीनगरमधील महापौर निवासस्थानाच्या दुरुस्ती व नूतनीकरणासाठी तब्बल ४५ लाख ९१ हजार रुपये खर्चाला मंजुरी दिली आहे. मात्र ही प्रक्रिया नियमित निविदा काढल्याशिवाय फक्त कोटेशन पद्धतीने राबवल्याने मोठा वाद निर्माण झाला आहे.

तातडीच्या तरतुदीचा वापर करत हे काम दिले गेले असून, या निर्णयावर अनेक प्रश्न उपस्थित होत आहेत. महापालिकेच्या स्थायी समितीने हा प्रस्ताव मुख्य सभेसमोर ठेवला आहे.

विरोधकांचा आरोप:
निविदा प्रक्रिया पूर्णपणे टाळून केवळ निवडक ठेकेदारांना कोटेशन देऊन काम दिले गेले. यामुळे महापालिकेच्या पैशांचा गैरवापर होत असल्याचे विरोधकांचे म्हणणे आहे.

पुणे टक स्टँड:
महापालिकेच्या महापौर निवासस्थानासाठी एवढा मोठा खर्च करताना नियमांचे पालन झाले नाही तर हा स्पष्ट गैरव्यवहार आहे. पुणे टक सतत महापालिकेच्या कारभारावर नजर ठेवून आहे.