📰 पुणे : कोंढव्यात गांजा खरेदीसाठी आलेले ३० जण पोलिसांच्या जाळ्यात!

​गुप्त बातमीदाराकडून मिळालेल्या माहितीच्या आधारे पोलिसांनी कोंढव्यात धाड टाकून अंमली पदार्थांची विक्री करणाऱ्या एका सराईत तस्कराला रंगेहाथ ताब्यात घेतले. त्याच्याकडून सुमारे २.५ किलो गांजा जप्त करण्यात आला आहे.

​कारवाईदरम्यान धक्कादायक बाब म्हणजे, या ठिकाणी गांजा खरेदी करण्यासाठी आलेले सुमारे ३० हून अधिक ग्राहक पोलिसांच्या तावडीत सापडले. पोलिसांनी तात्काळ या सर्वांना ताब्यात घेतले असून त्यांची सखोल चौकशी सुरू आहे. या रॅकेटच्या मुख्य सूत्रधाराचा आणि अंमली पदार्थांच्या पुरवठा साखळीचा शोध घेण्यासाठी पोलीस पुढील तपास करत आहेत.